Kryebashkiaku i PS në Memaliaj dhunon gazetarin

Një ngjarje e paprecedentë ka ndodhur sot në Memaliaj, ku kandidati i PS në 30 qershor për bashkinë, Gjolek Gucaj, ka dhunuar gazetarin Pirro Nase.

Denoncimi është bërë nga vetë gazetari në rrjetin social duke publikuar dhe pamjet nga incidenti.

“Ne 20 vjet gazetari qe kam, eshte hera e pare qe me ndodh qe nje zyrtar i zgjedhur, pengon, kercenon dhe intimidon haptazi fare nje gazetar.  Kryetari i votuar nga 1/5 e banoreve te Memaliajt, sillet ne menyre arrogante duke me penguar ne detyren time. Gjithcka ndodhi pak minuta para konstituimit te tij nga Keshilli Bashkiak, ku Gjoleka nuk duronte dot per te vendosur shiritin e kryebashkiakut dhe stolisej nga kryetarja e PS ne Memaliaj ne hyrje te salles. Ky detaj, perbente lajm dhe rrjedhimisht me instiktin e gazetarit, filmova me celular. Me pas ndiqeni se cfare ndodhi ne video”,- shkruan gazetari Pirro Nase.