Kryeministri i parë serb shkel tokën shqiptare. Në 11:00 Vuçiç në Tiranë
Për herë të parë një kryeministër serb shkel tokën shqiptare. Në orën 11:00 kryeministri Aleksandër Vuçiç dhe delegacioni që e shoqëron do të mbërrijë në aeroportin e “Nënë Tereza” për t’iu drejtuar Pallatit të Brigadave.
Në 11:30 homologu Edi Rama do ta presë në një ceremoni zyrtare në Pallatin e Brigadave, si shenjë reciprociteti, e mirëpritjes së Kryeministrit shqiptar në Pallatin Serbska gjatë vizitës së tij në Beograd.
Ndërkohë vizita e Kryeministrit të parë serb në Shqipëri do të blindojë Tiranën nën masa sigurie që janë parë vetëm për vizitën e Atit të Shenjtë.
Ambasada serbe rrethohet nga police
Ora 09:41 Gazetarët e Ora News informojnë se ambasada serbe është rrethuar nga punonjës të policisë dhe nuk lejohet kalimi nga Gjykata Kushtetuese deri tek selia e ambasadës serbe
Axhenda e kryeministrit te Serbise Aleksander Vucic:
Ora 11.30 Mbërritja e delegacionit në Pallatin e Brigadave
Ora 11.35 – 11.45 Ceremonia e mirëseardhjes (Përpara Pallatit të Brigadave
Ora 11.50- 12.45 Takim dypalëshi delegacioneve kryesuar nga dy Kryeministrat në bibliotekën e Pallaitit të Brigadave
Ora 12.50-13.20 Konferencë e përbashkët për shtyp
Ora 15.00 – 15.40 Takim me Kryetarin e Parlamentit, Sh.T.Z. Ilir Meta
Ora 15.50 -16.30 Takim me Presidentin e Republikës, Sh.T.Z.Bujar Nishani
Ora 16.40-17.15 Takim me Kryetarin e Bashkisë së Tiranës Z. Lulzim Basha
Blindohet Tirana
Kryeministri serb do të qëndrojë në Tiranë për dy ditë. Për vetë historikun e marrëdhënieve të shqiptarëve, kryesisht të Kosovës me këtë vend, por edhe dinamika që po shoqëron rajonin këto kohë, bën që kjo situatë të menaxhohet veçse kështu.
Megjithatë parë kjo reciprokisht, edhe Beogradi u blindua kur shkoi Kryeministri ynë.
Ushtria angazhon helikopterë
Mësohet se në terren do të sigurojnë mbarëvajtjen e kësaj vizite, qindra forca policie, gardistë, efektivë nga antiterrori, shërbimi inteligjent, si edhe helikopterë të ushtrisë.
Policia: 1310 efektivë në gadishmëri, forcohen kontrollet
Përmes një deklarate për mediat, zëvëndës drejtori i Policisë, Altin Qato, bëri me dije dje se 1310 efektivë policie do të jenë në gadishmëri për mbarëvajtjen e vizitës së kryeministrit serb.
“Gjithsej vëtëm në Tiranë do të angazhohen në terren 1090 punonjës policie. Ndërsa në teritorin e Qarkut Durrës do të angazhohen 220 punonjës policie.