Kryesia e re e PS, ndahet puna e 3 drejtuesve të Tiranës

Kryeministri Edi Rama zhvilloi një mbledhje me kryesinë e re të Partisë Socialiste, pasi kjo e fundit u plotësua me emrat e rinj që u votuan një ditë më parë në Asamblenë Kombëtare. Një nga temat kryesore të kësaj mbledhje ishte dhe caktimi i qartë i detyrave për drejtuesit e rinj politikë të Tiranës, ku kryeministri Rama ua besoi këtë detyrë të rëndësishme Erion Veliajt, Ogerta Manastirliut dhe Elisa Spiropalit. Manastirliu parimisht është caktuar të merret me strukturat e PS në Bashkinë e Tiranës, Spiropali në bashkitë e tjera të qarkut, ndërsa Veliaj do të koordinojë punën në të gjithë qarkun.