Ku do të shkojnë 294 mln euro? – Investimet në energji për 5 vite, ja prioritet

Aktualitet E Martë, 7 Shtator 2021 15:50

Rreth 294 milionë euro në 5 vitet e ardhshme në sektorin e furnizimit me energji elektrike. Shifra është parashikuar në planin e investimeve të Operatori i Shpërndarjes së Energjisë Elektrike. Po si do të shpërndahen paratë në 5 vite dhe cilat investime do të kenë prioritet? Sipas planit të OSHEE për periudhën 2018-2022, janë parashikuar të investohen rreth 52.6 për qind fondeve në ndërtimin-rikonstruksion rrjeti TM, TL dhe TU, përfshirë linjat prioritare.

Kostot lokale për investimet me fondet e Bankës Botërore se bashku me 10 për qind të vlerës që paguhet nga OSHEE kapin rreth 22.5 për qind të fondeve të parashikuara për këtë periudhë. Ndërtim-rikonstruksioni dhe blerja e pajisje makinerive për n/stacione e kabina zënë 17.7 për qind të fondeve dhe 7.2 për qind janë parashikuar të investohen në matje me fondet e OSHEE dhe të tjera.

Sipas përfaqësuesve të OSHEE, minimizimi i humbjeve, pas 5 vitesh do të sjellë kursim në rreth 55 milionë euro në vit. Po të analizojmë grafikun e investimeve në këtë 5 vjeçar, viti më me pak investime është 2022, ku plani është që të shpenzohen 4.7 miliardë lekë.