Kufijtë e BE-së/Ursula von der Leyen: Mbyllur edhe përtej Pashkëve

Pandemia e Covid-19 ka mbyllur kufinjtë e shteteve, si masë e fortë për mos përhapjen e virusit vdekjeprurës. Presidentja e Komisionit Evropian, Ursula von der Leyen, bën me dije se janë duke u zhvilluar bisedime midis vendeve anëtare të Bashkimit Europian, në lidhje me mundësinë e zgjatjes ose jo të mbylljes së kufijve, përtej festës së Pashkëve.

Nga ana tjetër, Von Der Leyen përsëriti gjithashtu se buxheti i ardhshëm i BE-së duhet të marrë formën e një “Plani Marshall” të ri për të nxitur rimëkëmbjen e Evropës nga shpërthimi i koronavirusit. Dy vendet me numrin më të madh të viktimave nga koronavirusi janë Italia dhe Spanja, të dyja anëtare të BE-së.

Më 17 mars, vendet anëtare të Bashkimit Europian kanë rënë dakord të mbyllin kufijtë e BE-së për të gjitha udhëtimet jo thelbësore për 30 ditë.