Kujdes! Borë dhe gurë në Rrugën e Kombit

Policia Rrugore në të gjithë vendin është angazhuar në terren për të orientuar drejtuesit e automjeteve në akset problematike, ku në disa segmente ka pasur edhe rënie gurësh dhe inertesh, si dhe prezencë të dëborës, sic janë fotot e mëposhtme në Rrugën e Kombit..

“Drejtoria e Policisë Rrugore  apelon  të gjithë  drejtuesit e mjeteve që qarkullojnë në akset rrugore por dhe në të gjitha akset e tjera rrugore në qarqe, të tregojnë kujdes, të moderojnë shpejtësinë, mos kryejnë parakalime të gabuara, të vendosin rripin e sigurimit, kaskat mbrojtëse për biçikletat dhe motoçikletat,  si dhe mos drejtojnë mjetin nën efektin e alkoolit.

Si dhe në ato akse si rruga e kombit apo akse të thella malore  ku ka prezencë të dëborës këshillohet qarkullimi me zinxhirë pavarësisht trashësisë së dëborës.

Në rast nevoje telefononi  menjëherë në numrat pa pagesë 112 e 129  dhe do të ndihmoheni nga  Patrullat e Policisë Rrugore dhe ato të Përgjithshme, pasi në situata të rënduara nga moti dimensioni i  Patrullave të Policisë Rrugore është ndihma automobilistike për drejtuesit e mjeteve dhe pasagjerët në nevojë”, thuhet në një njoftim zyrtar të policisë.