Kujdes nga moti me ngrica dhe borë!

Për shkak se gjatë natës, në disa zona të qarkut të Korçës, kanë rënë reshje dëbore, shërbimet e Sektorit të Policisë Rrugore të DVP Korçë, bëjnë apel për të gjithë drejtuesit e mjeteve që të rritin kujdesin në rrugë, të zbatojnë rregullat e qarkullimit rrugor, të respektojnë sinjalistikën rrugore dhe të moderojnë shpejtësinë.

Aktualisht, aksi rrugor “Maliq- Lozhan- Moglicë”, Qafa e Qarrit-Ersekë”, “Petrushë-Qafë Thanë”, janë të përfshira nga dëbora, po nuk kanë problematika në qarkullimin e mjeteve. Borëpastrueset vijojnë punën për ta pastruar plotësisht rrugën.

Me qëllim parandalimin e aksidenteve rrugore, si dhe për t’u ardhur në ndihmë përdoruesve të rrugës, për shkak të kushteve atmosferike, në akset rrugore të qarkut Korçë, është shtuar prezenca e punonjësve të Policisë Rrugore.

Në dispozicion të qytetarëve janë numrat 112 dhe 129, në të cilët mund të telefonojnë për çdo rast nevoje apo problematike të hasur. Shërbimet e Policisë janë në gatishmëri për t’ju ndihmuar.