”Kundër primareve”, ish-zëdhënësja e Berishës: PD në konflikt të brendshëm

Ish-zëdhënësja e Sali Berishës, moderatorja Erla Mëhilli thotë se për të primaret nuk janë mënyra e duhur për të zgjedhur kandidatët për zgjedhjet lokale nga PD, në situatën në të cilën ndodhet partia. Për të PD nuk është në kushtet për të dhënë leksione demokracie pasi është në konflikt të brendshëm prej vitesh.

“Sado primaret mund të jenë një moment i mirë demokracie për SHBA-në. PD-ja nuk është në kushtet të japë leksion demokracie pasi është në konflikt të brendshëm prej vitesh.

Në këtë mënyrë i zgjon edhe më tej konfliktet, kjo mund të çojë në përçarje të mëtejshme. Më mirë të jenë vendimmarrje të drejtuesve, mblidhet kryesia dhe të vendosë kandidatët”.