”Kur PD të vijë në pushtet”, Berisha: Ndryshimin e Shqipërisë do ta fillojë me mësuesit

Sali Berisha i cili vijon të quhet kreu i PD-së, ka zhvilluar një takim me mësuesit. Në fjalën e tij, ai ka premtuar se ma ardhjen e PD-së në pushtet, ndryshimin e Shqipërisë do ta fillojë me mësuesit. Berisha ka shtuar se me PD-në në pushtet do të rritet buxheti për arsimin dhe do të dyfishohen pagat për mësuesit.

”Ne do të dyfishojmë rrogat e mësuesve, do të dyfishojmë buxhetin për arsimin. Do të bëjmë gjithçka që shkollat të marrin funksionet e tyre. Universitetet janë bërë një objektiv sulmi ndaj një njeriu që për injorancën e tij totale, mburret se unë nuk kam as gradë as titull.

Duke treguar me këtë se cili është koncepti i tij për djersën e derdhur, lartësimin, djersën e derdhur në kërkimin shkencor, në hulumtime, publikime, sepse gradat dhe titujt janë një përpjekje shtesë e secilit profesionist për të kapur nivele të tjera, kurse ky e thotë me mburrje. Kriteri i tij është të përzgjedhë njerëz pa kurrëfarë merite, por veç kleptokratë që vjedhin nga mëngjesi deri në darkë”.