Kurbin, makina përplaset me motorin, ndërron jetë një 23-vjeçar

Një aksident me pasojë vdekjen e një 23-vjeçari u regjistrua mbrëmjen e kësaj të marte (1 shtator).

Ngjarja e rëndë ndodhi në aksin e vjetër  Mamurras -Fushë Krujë, në afërsi të një karburanti në Mamurras.

Mjeti tip “Nissan” me drejtues shtetasin E.Q.,është përplasur me motorin me drejtues shtetasin R.P., 23 vjeç, banues në Mamurras, i cili ka ndërruar jetë gjatë transportimit për në  spitalin e Traumës, Tiranë.

Policia shoqëroi drejtuesin e mjetit  në ambientet e Komisariatit Kurbin për veprime të mëtejshme.

Grupi hetimor në vendgjarje punon për zbardhjen e plotë të shkakut dhe rrethanave të ngjarjes.