Kurti: Vuçiç synon që të nxisë konflikt ndërkombëtar

Kryeministri Albin Kurti thotë se Kosova nuk është shkaktari i situatës së krijuar në Veri, por Serbia dhe presidenti i saj Aleksandër Vuçiç. Ky i fundit sipas Kurtit synon që të nxisë një konflikt ndërkombëtar.

Në një intervistë për televizionin kroat HRT, Kurti thekson se protestuesit serbë paguhen nga Serbia për të qëndruar në dy pikat e kalimit kufitar.

Kryeministri i Kosovës thekson se shumë prej protestuesve kanë dosje të aktiviteteve kriminale në të kaluarën.