”Kush bollokon foltoren do përjashtohet”, deputeti Shehu i përgjegjet Ballës

Kreu i grupit parlamentar të PS-së, Taulant Balla u kujdes që të thotë se kush bllokon foltoren e Kuvendit nga punimet normale dhe sipas rendit të ditës, do të përjashtohet sipas përcaktimeve të rregullores.

Nga PD-ja ka reaguar deputeti Tritan Shehu i cili thotë se kemi të bëjmë me diktaturë parlamentare.

“Ata në njërën anë nuk të japin fjalën, në anën tjetër kryeministri nuk vjen në parlament as të flasë dhe as të shpjegojë e të dëgjojë deputetët, nuk futen në rend të ditës kërkesat e opozitës, kërkesat e opozitës janë të detyrueshme për t’u futur dhe pastaj kur deputetët e opozitës kërkojnë fjalën dhe e kërkojnë me insistim padyshim, kërkojnë t’i përjashtojnë. Pra, kjo është diktatura parlamentare”,-u shpreh Shehu.