Kush është shqiptari që humbi jetën në aksidentin në Itali

Një i ri shqiptar humbi jetën ditën e djeshme si pasojë e dëmtimeve të pësuara, nga një aksident i ndodhur gjatë së martës.

Mësohet se viktima është 22-vjeçari shqiptar, Klevis Luka.

Ai mbeti i plagosur si pasojë e një aksidenti automobilistik të ndodhur në në aksin rrugor Firenze-Pisa- Livorno.

Së bashku me shqiptarin, si pasagjer ka qenë edhe një 21-vjeçar me origjinë nigeriane, i cili gjithashtu ka ndërruar jetë në vend.

Dy të rinjtë po lëviznin me një automjet tip Fiat Punto, ku Luka humbi kontrollin.

Për pasojë u përplasën me një kamion të ndalur në anë të rrugës.