Kush kalon semaforin me të kuqe, 400 mijë lekë gjobë
Deklarata u b nga përfaqësuesi i Ministrisë së Transporteve, Edi Seitaj, i në një seancë dëgjimore në Komisionin e Integrimit.
I pyetur nga deputetët e mazhorancës mbi rritjen e gjobave, Seitaj tha se kjo nismë nuk synon rritjen e arkëtimeve por vetëm uljen e numrit të aksidenteve.
“Ne si ministri kemi menduar se 10 fishimi i gjobës do sjellë ndërgjegjësim, gjobat për kalimin me semafor të kuq të shkojë në 400 mije të vjetra”, deklaroi Seitaj.
Por për deputetn e mazhorancës Arta Dade, ky ligj është shumë i vështirë për tu zbatuar. Ndërkohë që 10 fishimi i gjobave është kritikuar edhe nga deputetë të tjerë të mazhorancës, që e shikojnë këtë një masë të ekzagjeruar.
Në Komisionin e Integrimit do të jenë për seancë dëgjimore çdo ministër, për të mësuar më shumë për punën që po bën çdo ministri, si pjesë e reformave të kërkuara nga Komisioni Europian.
Nën kryetari i këtij Komisioni, Taulant Balla tha se në axhendë për seancat dëgjimore do të jenë ministrat që kanë lidhje dhe me progres raportin e KE. Balla i bëri thirrje opozitës të jetë pjesë në këto seanca dëgjimore.