Kush po tallet me burgosjen e gruas? Burri: Ma dha truri. Nëna e tij: Nusja e tradhtonte, kishte në plan…

Telefonata në polici e një gruaje, çoi efektivët në Kodër Institut, dhe historia është e njëjtë, një tjetër grua e burgosur në banesë dhe e rrethuar me kamera. Fenomeni Big Brother po prek shoqërinë shqiptare. 34-vjeçari Asqeri Mandri i kthyer nga Gjermania pak javë më parë, futi në izolim bashkëshorten e tij nënë e 4 fëmijëve të vegjël. I vuri kamera në çdo cep të shtëpisë brenda e saj për ta monitoruar dhe sipas policisë, ka ushtuar edhe dhunë fizike.

Zërat në kokë duket se ia kishte futur nëna e tij, e cila jetonte me nusen. Nëna e tij pranon se djali i saj vendosi kamera në shtëpi për të monitoruar gruan, pasi ishte xheloz. Në një intervistë për mediat, nëna e 34-vjeçarit thotë se djali i saj nuk ka ushtruar dhunë.

”Djali ka një vit që është emigrant në Gjermani. U kthye para dy javësh. Nusen nuk e rrahu, por vetëm e shtyu”. Sipas saj, gruaja kishte planifikuar arrestimin e Mandrit. “Ajo ka bërë plan ta fuste në burg. Nusja e tradhtonte”, pretendon ajo.

E ”burgosura” thotë se burri i kërkonte llogari për gjithçka. “Ishte xheloz, më kërkonte llogari për gjithçka. Para 8 muajsh, iku në emigrim dhe prej andej u bë i dhunshëm”. Nëna e katër fëmijëve thotë se nuk mund të punonte, pasi 34-vjeçari nuk e lejonte. “Nuk më lejonte shkoja lija në punë, por nga ana tjetër më kërkonte para”, shprehet gruaja.