Kushtetuesja ultimatum Kuvendit: Emigrantët duhet të votojnë, keni 1 vit kohë

Me vendimin e kësaj të premteje, Gjykata Kushtetuese kërkon që brenda një viti të plotësohet kuadri ligjor për të mundësuar votën e emigrantëve.

Kushtetuesja ka pranuar pjesërisht kërkesën e Shoqatë ”Diaspora për Shqipërinë e Lirë”, e cila kërkonte shpalljen të pavlefshme të zgjedhjeve parlamentare të 21 prillit për shkak të mohimit të votës së emigrantëve.

Gjykata ka vendosur “konstatimin e cenimit të së drejtës kushtetuese të votës së emigrantëve, në zgjedhjet për Kuvendin, për shkak të boshllëkut ligjor”.