Kuvendi rrëzon kërkesën për heqjen e mandatit të Leskajt

Parlemanti ka rrëzuar kërkesën e opozitës për heqjen e mandatit të deputetes së Partisë Socialiste Valentina Leskaj, e cila akuzohet se ka favorizuar djemtë e saj të përfitojnë disa tendera.

Kërkesa e opozitës u rrëzua me 72 vota kundër.

Gjatë votimit nuk ishin të pranishëm kryeministri Edi Rama, dhe kryeparlamentari Ilir Meta, të cilët ndodhen jashtë vendit në vizita zyrtare.