Kuvendi “sposton” tryezën e Këshillit Politik për Reformën Zgjedhore, ja ora kur do mbahet

Seanca plenare që do të mbahet ditën e nesërme në Kuvendin e Shqipërisë, ka shtyrë mbledhjen e radhës së Këshillit Politik për Reformën Zgjedhore. Mbledhja ishte parashikuar që të mbahej ditën e nesërme.

Por për shkak të “përplasjes” me Kuvendin, mbledhja do të mbahet në orën 17 të pasdites së nesërme.

Në mbledhjen e ditës së djeshme, pas 3 orësh diskutime palët janë dakordësuar për periudhën zgjedhore nga 3 muaj, në 1 të vetëm. Po kështu kanë rënë dakord për periudhën e votimit, ose në pranverë ose në vjeshtë. Gjithashtu ka pasur dakordësi edhe për kuotat gjinore.