Ky është vendi i parë në BE që prezanton zyrtarisht javën 4-ditore të punës

Punonjësit në Belgjikë tani kanë të drejtë të punojnë 4 ditë në javë – por kjo nuk do të thotë se ata do të punojnë më pak orë.

Rregullorja, e cila u hartua nga qeveria belge në shkurt të këtij viti, hyri në fuqi të hënën, mes provave të vazhdueshme pozitive në disa vende dhe organizata.

Por ndryshe nga shumica e pilotëve ku punonjësit paguhen me të njëjtën shumë për të punuar më pak orë, punonjësit belgë që përdorin opsionin e javës katër-ditore do të duhet të punojnë në të njëjtën sasi orësh gjatë javës.

Të gjithë punonjësit, pavarësisht nëse punojnë në sektorin publik apo privat, do të kenë zgjedhjen të punojnë nëntë orë e gjysmë në ditë për katër ditë, ose tetë orë në ditë për pesë ditë.

Kjo e bën Belgjikën vendin e parë në Bashkimin Evropian, dhe vetëm i treti në botë, pas Islandës dhe Zelandës së Re, që prezanton zyrtarisht javën katërditore të punës si një opsion për punonjësit e saj.