Laboratori i kokainës në Fier, ministri Çuçi: Asnjë kompromis kujtdo që bëhet palë me krimin

Ministri i Brendshëm, Bledi Çuçi e quajti punë të kryer shumë mirë nga Policia e Shtetit, arrestimin e 10 personave pas operacionit të zhvilluar në Fier, ku u arrestuan 10 persona pas zbulimit të laboratorit të kokainës.

“Finalizimi me sukses i operacionit për goditjen e një grupi të strukturuar kriminal në Fier, me 10 të arrestuar deri më tani dhe sekuestrimin e një sasie të konsiderueshme të dyshuar si kokainë, është një tjetër punë e kryer shumë mirë nga policia e Shtetit.

Profesionalizëm dhe integritet prej momenteve të para kur nisën hetimet dhe deri në goditjen e fundit. Asnjë kompromis me krimin dhe kujtdo që bëhet palë me të. Frontalisht përballë atyre që shkelin ligjin e mbjellin pasiguri. Përgëzime Policisë së Shtetit dhe veçanërisht efektivëve që morën pjesë në këtë operacion”.