Laçi gdhihet me trakte: “Mos votoni!”, PD konteston zgjedhjet

Laçi gdhihet me trakte. Në këto trakte bëhej thirrja ndaj popullatës që të mos votohej.

Sakaq, zgjedhjet në bashkinë e Laçit kanë qenë ndër më problematiket.  

Përfaqësuesi ligjor i PD-së, Ivi Kaso ka dalë në një deklaratë për mediat rreth votimit në Kurbin, ku sipas tij në Kurbin ka paligjshmëri të theksuar dhe abuzive nga KQZ.

Kaso tha se anëtarët e propozuar nga PD-ja në Kurbin u shkarkuan në bllok, dhe se ky shkarkim është i padrejtë.

Përfaqësuesi ligjor i PD-së deklaroi se në orën 01:00 të mëngjesit, KQZ emëroi një person që thonë që është i shoqërisë civile. “Fran Nezha u emërua kryetar i KZAZ-së në Kurbin, e në të njëjtën kohë Nezha është anëtar i stafit të kandidatit të majtë në këtë vend”, tha Kaso

Në fund, Kaso tha se PD po monitoron çdo hap të procesit në Kurbin, pasi shkeljet janë të rënda e të paprecedent.