LAJM I FUNDIT/ Makina bie nga greminë në rrugën e Dajtit, 3 persona në të

Një ngjarje e rëndë ka ndodhur mbrëmjen e kësaj të diele (7 tetor), ku një makinë ka dalë nga rruga dhe ka rënë në greminë. Aksidenti është regjistruar rreth orës 18:30, në rrugën e “Dajtit”, në fshatin Surrel.

Sipas policisë, brenda në mjet  jenë tre persona, të cilët kanë mbetur të plagosur.

“Në mjet ndodhen tre persona të gjinisë mashkullore, ku dy prej tyre ndodhen në gjëndje të rëndë shëndetësore, ndërsa tjetri në gjëndje më të mirë”, sqaron policia në njoftimin zyrtar.

Në vendgjarje janë dërguar shërbimet e Policisë, Zjarrfikëses dhe Ambulanca.