Lajm i mirë nga spitalet e COVID, 11 të shëruar sot, shkon në 165 numri total

Numri i personave të shëruar nga koronavirusi, gjatë orëve të fundit në Shqipëri, është 11.

Në këtë mënyrë numri total i personave që janë shëruar nga COVID-19 ka shkuar në 165.

Ky është një lajm i mirë duke dhënë shpresë për situatën e vështirë në të cilën ndodhet vendi.

Këtë njoftim e bën të ditur kryeministri Edi Rama, në rjetin social “Facebook”, ndërsa shkruan: “Lajm i mirë 11 të shëruar”.

Me 11 të shëruarit e sotëm ka shkuar në 165 totali i personave të shëruar nga COVID-19 në vendin tonë.

Betejën me këtë sëmundje e kanë humbur deri tani 22 qytetarë, megjithë përpjekjet e jashtëzakonshme të personelit shëndetësor.

Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Sic e tregojnë edhe shifrat e ditëve të fundit, ku ka raste brenda të njëjtës familje, është e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.