Lajm surprizë! Gazetarë dhe analistë të CNN dhe BBC kërkojnë të punojnë në mediat shqiptare

Lajmi që pushtoi rrjetet sociale për rrogat e disa analistëve dhe gazetarëve shqiptarë, e ku doli se janë të vërteta këto pagesa, ka pushtuar mediat botërore.

Nga Londra gazetari i njohur shqiptar Ben Manaj, që ka punuar për BBC dhe gjigantë të tjerë të medias botërore, u shpreh i habitur për rrogat shumë të larta të këtyre analistëve shqiptarë, ndërkohë që në Angli i shikojnë me dylbi paga të tilla të majme.

Rrogat 14, 15, 18 milionë apo më shumë milionë lekë në muaj kanë çoroditur krejt median shqiptare dhe atë botërore. E vërteta e fshehur doli në pazar se këto paga super të majme i marrin disa analistë shqiptarë që dalin nëpër studio televizive, por kjo tregoi fytyrën e vërtetë të pushtetit që blen analistë për të shpëlarë trurin e qytetarëve.

Natyrisht që jemi në kapitalizëm dhe secili paguhet nga pronari sipas punës, por kapitalizëm ka edhe në SHBA edhe në Angli, apo kudo tjetër në Europë, por nuk kanë rroga të tilla të larta.

E duke llogaritur se në Shqipëri ka një ekonomi të dobët dhe varfëri të madhe ekonomike.

Por disa analistë, jo të gjithë, janë hipokritë. Ata punojnë dhe marrin paga të tilla sepse mbështesin qeverinë (ose qeveritë e radhës). Bile na dalin si shenjtorë të lirisë së fjalës, si me të drejtët e këtij rruzulli tokësor, por pas publikimit të listës së pagave u vërtetua se marrin shuma të mëdha në euro.

Pra i shërbejnë euros dhe jo publikut!

Bile një prej këtyre analistëve me pagë të jashtëzakonshme, edhe kur pi kafen me kolegë të tjerë thotë si në pafajësi “ma paguani kafen se nuk kam lekë”!

Hipokritë në shoqeri, siç janë edhe në ekranin e televizorit. E për dreq populli u beson!

Hiqen sikur nuk paguhen, ndërkohë që shuma e rrogës që merrkan nëpër kantiere biznesi të Shqipërisë, të sponsorizuara nga buxheti i shtetit, është sa 10 apo 15 herë rroga që marrin gazetarët investigues Klodiana Lala, Artan Hoxha e ndonjë tjetër, të cilët rrezikojnë jetën nga mafia kur nxjerrin fakte për bandat dhe politikën.

Ky publikim krijoi një interes të madh nga analistë dhe gazetarë me emër në botë, bile edhe nga CNN e BBC, që janë televizionet më të fuqishme në planet. Disa gazetarë të BBC e CNN, të cilët edhe kur shkojnë në zona lufte si në Irak, Siri, Afganistan, ku të ikën jeta nga plumbat, nuk marrin as sa gjysma e disa analistëve shqiptarë që na llomotisin në favor të qeverisë.

Një pjesë e këtyre gazetarëve të luftës po kërkojnë të zgjidhin kontratat me televizionet më të mëdha ndërkombëtare dhe duan të vijnë të punësohen në Shqipëri sapo dëgjuan e lexuan për paga 15, 18 apo 20 mijë euro në muaj!

Publikimi i të dhënave dhe pagave është shkelje ligji, por kjo pati edhe një gjë të mirë, pasi nxori në publik fytyrën e vërtetë të gazetarëve dhe analistëve puthadorë të çdo pushteti.

/Daniel Muçaku/

https://kohajone.com/analisti-baton-haxhiu-ankohet-se-pse-i-doli-rroga-e-tij-ne-publik/