Lami: Votimi i kodit zgjedhor vë në pikëpyetje zgjedhjet të 25 prillit dhe kriteret për anëtarësim

Në një intervistë për Ora News, pedagogu Roland Lami u shpreh se votimi i ndryshimeve në kodin zgjedhor minon zgjedhjet e 25 qershorit.

Ai tha se ky vendim vë në pikëpyetje konferencën e parë ndërqeveritare për hapjen e negociatave si një nga kriteret e anëtarësimit.

Roland Lami: Votimi i arritur sot minon marrëveshjen e 5 qershorit dhe vë në pikëpyetje të zgjedhjeve të 25 prillit. Ky vendim hap shanse për mbledhjen e parë ndërqeveritare për negociatat apo e vendos në pikëpyetje atë? Po t’i referohemi Komisionerit politikën e jashtme të BE-së, ky vendim i marrë sot pa dakordësinë e opozitës, vë në pikëpyetje edhe mbledhjen e parë ndërqeveritare që presupozohet që të nisë në pranverë për të nisur procesin e negociatave. Ky vendim na vënë në pikëpyetje për një nga kriteret e anëtarësimit. Po ashtu ky proces duket se thellon më shumë krizën që kemi pasur para këshillit politik në lidhje me reformën zgjedhore.

Lami theksoi se edhe ndërkombëtarët janë shprehur se ndryshimet e votuara sot nuk ishin pjesë e këshillit politik.

Roland Lami: Edhe ndërkombëtarët janë shprehur se ndryshimet e votuara sot nuk ishin pjesë e këshillit politik. Edhe ambasada amerikane la të kuptohej se opozita duhet të përfshihej në këtë proces. Mund të themi që sot u morr një vendim i njëanshëm nga qeveria dhe ajo që quhet opozita parlamentare. Nuk u mor fare në konsideratë opozita jashtëparlamentare që është një faktor shumë i rëndësishëm. Siç duket i gjithë problemi ka qenë te heqja e koalicioneve dhe të gjithë ata që marrin vesh nga kjo çështje thonë se koalicionet janë hequr.

Lami shtoi se pragu nuk ka të bëjë fare më dy partitë e mëdha të opozitës. Në fakt ata shqetësohen për elementin e heqjes së koalicioneve.

Roland Lami: Pragu nuk ka të bëjë fare më dy partitë e mëdha të opozitës. Në fakt ata shqetësohen për elementin e heqjes së koalicioneve, sepse opozita nuk është pyet me variantin që është votuar ditën e sotme të parashikuar edhe në kushtetutë. Kjo është një prishje e rregullave të lojës, pa pyet aktorët kryesore, në këtë rast opozita.