Letra nga Siria, shqiptarja: Çfarë do bëhet me ne dhe fëmijët tanë?

Revajet Shahini, një prej nënave të dërguara në kampin Roxh, pas daljes nga al-Hawl ka dërguar një letër në redaksinë e A2CNN. Ajo kërkon të dijë se çfarë po ndodh me riatdhesimin e shqiptarëve të mbetur në Siri. Edhe pse Shahini është nga Maqedonia e Veriut ajo kërkon ndihmë për djalin e saj Osama.

“Mami i Fidanit qe po ju shkruaj. Nuk e di çfarë ndodhi me kthimin tonë. Më thatë që të bashkohesha me shqiptarët për t’u kthyer në vendin tim së bashku me djalin tim. Ju morët 1 familje dhe Endrin dhe na latë përsëri në Siri. Ato shqiptarët që erdhën më thanë që do të interesoheshin edhe për djalin tim. U larguan pa asnjë përgjigje”.

Sipas saj u bënë 5 muaj pas operacionit të parë ku u arrit të merren 4 anëtarët e familjes Rasha dhe Endri Dumani. “U bënë 5 muaj që asnjë gjë nuk dimë për fëmijën tim. Patëm shpresë që do ktheheshim por nuk e di se çfarë ndodhi dhe çfarë po ndodh me kthimin tonë”.