Lezhë, qëllohet me armë zjarri një person

Një shtetas është qëlluar me armë zjarri mbrëmjen e sotme në Ishull Lezhë.

Arben Gjini ka marrë një plumb në shpatull dhe një në këmbë.

Ngjarja ka ndodhur në një lokal në zonë, ndërsa autori ndodhej bashkë me viktimën në lokal. Dyshimet e para flasin për një zënë mes autorit dhe të plagosurit me origjinë nga Mirdita.

Ai është dërguar me urgjencë në Spitalin e Traumës në Tiranë në gjendje të rëndë shëndetësore.