Liçaj: Përtej interesave partiake, këto zgjedhje nuk duhen bërë

Aktori Neritan Liçaj i ftuar në emisionin “Arena” në RTV Ora u shpreh se këto zgjedhje nuk duhen bërë dhe nëse nuk e ndalojmë këtë sistem tani, që ai e quajti diktaturë, kostot për ta hedhur pas do të jenë shumë më të larta më vonë.

Neritan Liçaj: Ne duam të sensibilizojmë qytetarët shqiptarë që këto zgjedhje nuk duhet të bëhen. Përtej interesave partiake, këto zgjedhje nuk duhen bërë. Mua 21 vjet më kaluan me Enverin, 29 vjet me këtë tranzicion që prodhon cikle krizash pafund. Nëse ne nuk e ndalojmë diktaturën tani, kostot për ta hedhur pas do të jenë shumë më të larta. Atë gabim që bën etërit tanë në ’45 nuk duhet ta bëjmë ne tani. Unë nuk kam ndërmend të rris fëmijët e mi në një diktaturë.