Lidhjet me ISIS, imamët e bugosur s’do lejohen më të takojnë njeri

Forcat e sigurisë janë shtuar në burgun 302, që pas ditës së premte kur në Paris nisën sulmet terroriste.

Kujtojmë se në këtë burg janë të izoluar 9 të burgosurit që dyshohet se kanë lidhje me ISIS dhe ishin të ngarkuar me rekrutimin e luftëtarëve në Shqipëri. Imamët radikalë janë ende në gjyq.

Ata nuk i pranojnë akuzat ndërsa nuk kanë shprehur pendim për dërgimin e më shumë se 100 shqiptarëve në Siri. Të paraburgosurit, mes të cilëve edhe dy imamët e vetëshpallur Genci Abdurrahim Balla i xhamisë së Tiranës së Re dhe Bujar Hysa i Xhamisë së Mzezit, do të vijojnë të takohen normalisht me të afërmit e tyre.

Por mësohet se ata nuk do të kenë kontakt me persona të tjerë, që nuk kanë lidhje gjaku për të pasur kontakt me ta.