Lija e majmunit, ekziston rreziku i një pandemie të re? Flasin ekspertët, tregojnë se çfarë e pret botën

Lija e majmunit përbën tashmë një emergjencë shëndetësore globale. Ky virus është i përhapur gjerësisht në Afrikë, sidomos në Kongo. Gjetja e një rasti në Suedi ka ngritur alarmin edhe në Europë. SHBA po ashtu ka ngritur alarmin shëndetësor.

Autoritetet shëndetësore bëjnë thirrje për plan masash që të parandalohet përhapja. A jemi përballë një tjetër pandemie pas asaj të Covid-19? Kjo duhet e pamundur. Pandemitë si Covid-19 apo gripi i derrit, përhapen përmes ajrit dhe kanë virulencë të lartë.

Transmetimi i virusit “mpox” transmetohet nga njeriu tek njeriu përmes kontaktit me lëkurë të personave të infektuar apo kontaktit të afërt në një distancë të shkurtër. Më rrallë nga objektet e kontaminuara. Ndryshe nga pandemia e Covid-19, për “mpox” ka vaksina dhe trajtime me medikamente.

“Ne kemi atë që na duhet për ta ndaluar mpox. Kjo nuk është e njëjta situatë me të cilën u përballëm në fillim të Covid-19, kur nuk kishte vaksina dhe ilaçe”, thotë Dr.Chris Bearer, drejtor i Institutit për Shëndetin Global i Universitetit Duke. 96% e rasteve me linë e majmunit janë të regjistruara në Kongo, një nga vendet më të varfëra në botë.