Lirimi i hapësirave publike, IKMT: 20 objekte pa leje po shemben në Theth

Inspektorati Kombëtar i Mbrojtjes së Territorit (IKMT), në bashkëpunim me Policinë e Shtetit dhe Inspektoratin e Mbrojtjes së Territorit të bashkisë Shkodër (IMT bashkia Shkodër), ka nisur sot një aksion të koordinuar në zonën e mbrojtur të Thethit, me qëllim prishjen e ndërtimeve të paligjshme.

IKMT bën të ditur se “gjatë ditës së sotme është planifikuar ndërhyrja në 20 objekte/struktura të ngritura në kundërshtim me legjislacionin në fuqi”.

“Aksioni do të vazhdojë në ditët në vijim me goditjen e ndërhyrjeve të paligjshme në zonën turistike të Thethit”, theksoi IKMT në një postim në rrjetet sociale.

Pas urdhrit të dhënë nga kryeministri Edi Rama në të gjitha qytetet e vendit dhe zonat turistike vijon aksioni për lirimin e hapësirave publike nga zaptimet abuzive.