Lirohen banorët e Jalës: S’kemi strehë mbi kokë

Janë lënë të lirë banorët e Jalës, të shoqëruar pas përplasjes me policinë. Në mesin e të shoqëruarve, ishtze edhe një vajzë minorene.

Ata apelojnë për mbështetje. ”Këtë mëngjes, jemi zgjuar të pastrehë. Pa shtëpi, pa veshmbathje, pa asgjë. Mirë objektet e skualifikuara nga ALUIZNI, por na kanë prishur edhe shtëpinë e vjetër ekzistuese përpara ’90”,-shprehen ata.

9 objektet janë banesa dhe hotele, të skualifikuara nga ALUIZNI si ndërtime të paligjshme. Por, banorët thonë se kanë dokumente të rregullta dhe tokën e kanë të përfituar nga ligji 7501. IKMT sqaron se njoftimi për këta pronarë është bërë që në datën 15 korrik.