LIVE/“Duam drejtësi”, protestë tek Ministria e Brendshme për Enean

Vdekja e 27-vjeçarit, Enea Ftoj në Komisariatin e Korçës, edhe pse ekspertiza mjeko-ligjore nuk gjeti shenja dhune, për familjarët ai është rrahur nga uniformat blu. Ndaj, dhe familjarë dhe qytetarë kanë nisur protesta përpara Ministrisë së Brendshme.

Familjarët kanë hedhur akuza kundër policisë dhe kanë deklaruar se vdekja e të afërmit të tyre ka ardhur pas dhunës së uniformave blu.

Këto akuza janë hedhur poshtë nga policia, e cila ka thënë se vdekja ka ardhur si pasojë e ankthit.

Po ashtu ditën e djeshme është zbardhur dhe ekspertiza mjeko-ligjore, në të cilën thuhej se vdekja nuk kishte ardhur si pasojë e dhunës.