Lloji i ri i Covid-19, Silva Bino: Ky variant ka të njëjtën sjellje si virusi bazë

Shefja e Departamentit të Sëmundjeve infektive në ISHP, Silva Bino në mbledhjen e Komitetit e Ekspertëve për Covid-19 në vendin tonë, ka folur për llojin e ri të virusit që është shfaqur ditët e fundit në Britaninë e Madhe. Sipas saj, deri më tani nuk paraqiten të dhëna se ky lloj virusi është më i rëndë se i pari, duke shtuar se ka të njëjtën sjellje si virusi bazë.

“Sa i përket virusit të identifikuar nga autoritetet e Britanisë së Madhe dua të them se është identifikuar nga Angli dhe më pak në Ëells. Është identifikuar në Danimarkë në Hollandë ka pasur raste. Deri më tani nuk ka të dhëna që ai paraqet doza të rënda të sëmundjes. Nga të dhënat që kanë tani. Bëhet fjalë për 108 persona të cilat i kanë vlerësuar. Deri tani nuk vërehen të dhëna që ky virus të ketë shkaktuar riinfeksione të ketë një sjellje të ndryshme. Ky variant ka të njëjtën sjellje si virusi bazë. Nuk kemi të dhëna. Por ata kanë vendosur një sistem monitorimi në lidhje me irinfeksionet. Këto janë të dhëna që ne duhet ti marrim parasysh në lidhje me çështje te tjera”, tha Bino.