LSI e Durrësit: Ja si u zbuluan pajisjet e përgjimit. Kemi denoncuar në polici djalin e Lefter Kokës
Lëvizja Socialiste për Integrim në Durrës ka reaguar sërish lidhur me pajisjet e përgjimit që u zbuluan afër zyrave të saj në Durrës. LSI shprehet se policia ka keqinformuar opinionin për incidentin me kandidaten Elona Guri duke mos dhënë detaje lidhur me skandalin e përgjimeve.
Reagimi i plotë i LSI-së në Durrës
“Duke marrë shkas nga transformimi i ngjarjes të skandalit më të paprecedentë në procesin zgjedhor në 30 vitet e fundit, dhe keq-informimit dashakeq nga Policia e Shtetit, e cila e shtyrë dhe e ndikuar politikisht fsheh të vërtetën e hidhur po ju sqarojmë si më poshtë:
Gjetja e pajisjeve përgjuese dhe kamerave në zyrën qendrore të LSI Durrës.
Drejtuesit e LSI Durrës kanë zbuluar kamera përgjimi që monitoronin e përgjonin Zyrën e LSI Durrës.
Dyshimi lindi pasi të gjithë qytetarët e thjeshtë që shkonin në këtë zyrë kontaktoheshin, intimidoheshin dhe kërcënoheshin me vendin e punës ose presione të tjera nga Arbër Koka, djali i Lefter Kokës, apo anëtarë të shtabit elektoral të tij.
U zbuluan kamerat dhe serverat me regjistrime. U njoftuan autoritetet dhe prezente fizikisht në Komisariatin e Policisë në Durrës, drejtuesja politike e LSI Durrës dhe kandidatja e LSI për Durrësin, znj. Elona Guri denoncoi Arbër Koka, djalin e Lefter Kokës si autor të këtij skandali dhe pronarin e ambientit ku ishte strehuar serveri dhe kabujt e kamerave të përgjimit”.
Lexoni edhe…
- Skandal në Durrës, LSI: Mafia e Rilindjes po përgjon zyrat elektorale (FOTO)
- Ekskluzive/Pajisjet e përgjimit në zyrat e LSI në Durrës (FOTO)
- Mashtrimi i mediave të PS. Elona Guri u shoqërua në polici për debatin me personin që vendosi kamerat
- Konflikti në Durrës, Elona Guri: Nuk pati sherr, i kapëm me përgjues
