LSI-Ramës: Zhblloko buxhetin e bashkisë Skrapar, s’merr vota

Deputeti i LSI-së, Nasip Naço në një deklaratë për mediat ka kërkuar zhbllokimin e buxhetit të bashkisë Skrapar. Naço, teksa iu drejtua Ramës tha se përgjegjësia politike do bjerë mbi të dhe se nuk do arrijë dot të marrë vota nga ata, në mënyrë të paligjshme.

”Kërkojmë zhbllokimin e buxhetit të bashkisë Skrapar. Zoti kryeministër nëse nuk e bëni zhbllokimin për buxhetin, atëherë jeni ju urdhëruesi për këtë veprim kriminal. Përgjegjësia do bjerë ndaj ju. Nuk arrini dot të bëni presion mbi banorët e Skraparit për t’i marrë votën në mënyrë të paligjshme. Nuk do ju japin votën me presion, siç keni bërë herë të tjera”, u shpreh ai.

Kujtojmë që dhjetorin e vitit të kaluar Këshilltarët e Partisë Socialiste në bashkinë e Skraparit nuk miratuan projekt buxhetin për vitin e ardhshëm. Mbledhja u shoqërua me debate, ndërsa socialistët rrëzuan me buxhetin me pretendimin se numri i punonjësve të bashkisë është i lartë.

Deklarata për mediat e deputetit të LSI-së, Nasip Naço
Të nderuar qytetarë. Dalja ime në këtë konferencë për shtyp ka të bëjë me shkeljet dhe
presionet ndaj përfaqësuesve të Bashkisë Skrapar. Jo më shumë se disa muaj më parë,
përfaqësues të Partisë Socialiste të dirigjuar nga deputeti i tyre bllokuan ndihmën ekonomike
për rreth 600 familje duke bërë presion në shkëmbim të votës.
Sot përsëri të dirigjuar prej tyre, dega e Thesarit Skrapar, në kundërshtim më çdo akt ligjor dhe
nënligjor ka bllokuar veprimtaritë financiare: 1-furnizimin me ujë të konvikteve, 2-furnizimin me
ujë të çerdheve, 3-furnizimin me ushqim të qendrës së fëmijëve me aftësi të kufizuar, 4-pagat e
punonjësve, si dhe ka bllokuar çdo shërbim ndaj komunitetit.
Zonja Ministre e Financave! Ju drejtohem publikisht të urdhëroni menjëherë degën e thesarit
Skrapar për të zhbllokuar këtë gjendje kriminale, shkarkimin e menjëhershëm të drejtuesve të
këtij institucioni dhe të kërkoni ndjekjen penale të tyre.

Zonja Ministre, në mbështetje të nenit 41 të ligjit nr 68 të vitit 2017 të financave të qeverisjes
vendore të nenit 37 të ligjit nr 9936 për menaxhimin e sistemit buxhetor në Republikën e
Shqipërisë si dhe të udhëzimit nr 9 datë 20.03.2018 për procedurat standard të zbatimit të
buxhetit.
Ne kërkojmë që të urdhëroni degën e thesarit Skrapar që të zhbllokojë veprimet financiare të
Bashkisë Skrapar duke i lejuar të kryejnë veprimet sipas ligjit dhe udhëzimit të mësipërm.
Zonja Ministre!

Nëse ju nuk ndërmerrni asnjë veprim në zbatim të ligjit më lind e drejta t’ju them publikisht se
ju jeni urdhëruesit dhe zbatuesit e kësaj vepre kriminale.
Zonja Ministre, ne nuk kërkojmë as më shumë e as më pak nga ju. Në kërkojmë që të zbatohet
ligji me 1/12dhe të vazhdojë funksionimi i Bashkisë Skrapar. Mos e filloni dhe mbaroni karrierën
tuaj politike me këtë veprim kriminal.
Zoti Kryeministër, po ju drejtohem publikisht që të ndërhyni menjëherë dhe të zhbllokohet kjo
situatë kriminale, të shkarkoni menjëherë Prefektin e Qarkut të Beratit dhe të kërkoni ndjekjen
penale të tij.
Zoti Kryeministër, nëse ju nuk ndërhyni në zhbllokimin e kësaj situate që të lejoni Bashkinë
Skrapar që të ushtrojë veprimtarinë e saj me 1/12 e buxhetit, siç e parashikon Ligji dhe
Udhëzimi përkatës, atëherë jeni ju urdhëruesit dhe zbatuesit e këtij veprimi kriminal.
Përgjegjësia morale, ligjore dhe politike do bjerë vetëm mbi ju.

E kam thënë dhe herë tjetër, e deklaroj përsëri. As dje, as sot as nesër, me çdo lloj përpjekje që
bëni, nuk do të arrini dot të bëni presion ndaj qytetarëve të Skraparit, për t’u marrë votën atyre
me veprimet antiligjore që bëni në kundërshtim të plotë më ligjin.
Zgjedhjet janë afër. Të jeni më se të bindur që jo 2000 vota, sa jemi sot përpara jush në
rezultatin tuaj më të mirë, por ky rezultat do të trefishohet, sepse skraparllinjtë nuk pranojnë
që ta japin votën e tyre me presion siç keni bërë dhe në rastet e tjera. Ju faleminderit.