LSI Vorë, Bregu: Qeveria inaguron për herë të 8-të kopshtin ”Muçaj”. Laj e thaj, e vetmja kasetë e përsëritur

Koordinatori i Lëvizjes Socialiste për Integrim në Vorë, Vojo Bregu, gjatë një takimi me kryetaren e partisë Monika Kryemadhi, ka ironizuar me përgjigjen që kryeministri Edi Rama bëri për këtë takim të LSI-së me qytetarët. Sipas tij, kopshti ”Muçaj” është inaguruar për herë të tetë. ”Laj e thaj, e vetmja kasetë e përsëritur”,-shkruan Bregu në facebook.

Postimi i plotë

Pas takimit të mëngjesit me kryetaren e LSI-së, Znj. Kryemadhi, ku diskutuam për problemet e panumërta të rindërtimit, Kryeministri vendosi të na përgjigjet po sot, me një investim në Vorë. Rezultati ishte inagurimi për herë të tetë i një kopshti në një fshat të Vorës. Laj e thaj, e vetmja kasetë e përsëritur. Kush e di dhe sa video dhe postime do shikojmë deri sa te inagurohet realisht.