Luçiano Boçi, emri më potencial për të marrë drejtimin e grupit parlametar të PD

Me riorganizmin e strukturave në PD, kanë filluar të artikulohen edhe emrat e parë që do të përbëjnë kupolën drejtuese të demorkatëve. Deputeti Luçiano Boçi është emri më potencial për të marrë drejtimin e grupit parlametar demorkat.

Paçka se Lulzim Basha nuk e vuri ne një vend të sigurt në zgjedhjet e 25 prilit 2021, Boçi theu listën duke u zgjedhur deputet i Elbasanit, fitore që deputeti nuk e shoqëroi me anatemime ndaj lidershipit demokrat, por njëkohësisht mbajti një qendrim të moderuar në raport me foltoret e Berishës.

Sipas statutit të Partisë Demorkatike, kryetar grupi emërohet një prej nënkryetarëve të partisë, e për rrjedhojë, deputeti Boçi pritet të jetë njëri prej kandidatëve që do të votohen në Këshillin Kombëtar për postin e nënkryetarit, për të cilin nuk ka ende një datë.