Lufta në Ukrainë, Milo: Palët kanë hyrë në zonën e diplomacisë së fshehtë

Ish-ministri i Jashtëm, Paskal Milo, sheh një ulje të toneve mes Ukrainës dhe Rusisë dhe këtë e shpjegon me vënien në lëvizje të asaj që njihet si diplomaci e fshehtë.

“Është një strategji përplasjeje mes botës perëndimore dhe Rusisë. Si e tillë, në këtë përplasje po përdoren të gjitha mjetet dhe mënyrat për të dëmtuar imazhin e kundërshtarit. Në deklaratat zyrtare, sidomos ato të Bidenit, është e shkruar që më parë.

Përveç lojës së nervave, tani ka gjithnjë e më shumë elementë të një diplomacie të fshehtë që kërkon ta përfundojë konfliktin dhe t’i çojë palët në tavolinë.

Zelensky po tërhiqet nga çështjet kryesore për të cilat u bë lufta. Ai ka deklaruar se është gati të ulet në bisedime me Putinin dhe të diskutojë për statusin e Donjetskut dhe Luhanskut. Janë në rrugën për të gjetur një zgjidhje”.