“Luftë” me kanabisin, 4 zonat e nxehta në qarkun e Vlorës, tentative për ta kultivuar

4 janë zonat e nxehta të kultivimit të kanabis sativa në qarkun e Vlorës. Prefekti deklaron se për kontrollin e sipërfaqeve po bëhet edhe me dron ndërsa janë zbuluar së paku 20 tentativa.

Muajt qershor dhe korrik kanë pasur një rritje të tendencës për kultivim të lëndëve narkotike në qarkun e Vlorës, fakt të tillë e konfirmon prefekti i qarkut të Vlorës Flamur Mamaj.

Ai thekson se janë shtuar edhe kontrollet në territor.

Zonat me risk janë ato në fshatrat e lumit të Vlorës, bashkia Selenicë, bashkia Himarë dhe Finiq.

Konfirmohet se janë ushtruar 140 kontrolle, të intensifikuara me mjete të sofistikuara. Ndërsa raportohen për 20 tentativa për kultivim të lëndëve si dhe shoqërimin e disa personave mes tyre dhe kryepleq.

“Janë bërë 940 orë shërbimi dhe pothuajse të gjithë grupet janë në terren. Janë bërë verifikime të harxhimit të energjisë elektrike. Ne i kemi të përcaktuara të gjitha zonat me risk të lartë. Po bëhet një punë me koordinim të jashtëzakonshëm, ku po ushtrojmë kontrolle edhe me mjete të specializuara sikurse janë dronet dhe kamera termike.”  

Një tjetër betejë e është dhe shuarja e zjarreve të rëna në këtë qark. sipas prefektit bëhet fjalë për veprime të qëllimshme, por janë regjistruar dhe raste sporadike për shkak të pakujdesisë. Zona me risk për zjarret mbete bashkia Finiq, bashkia Selenicë.