”Luftë” me Renea-n, 47-vjeçari jetonte me nënën në një shtëpi të veçuar

Kishte pak kohë që ishte kthyer në Vlorë, në shtëpinë e tij ku jetonte vetëm me nënën. Me të marrë informacionin policia e Vlorës, në bashkëpunim me Forcat Speciale dhe RENEA kanë organizuar operacionin për kapjen e tij në fshatin Hoshtimë.

Operacioni i sotëm është zhvilluar rreth orës 6:00 të mëngjesit. Që prej tre orësh, Renea ka rrethuar zonën. Nuk ka pasur rrezikshmëri për banorët e zonës pasi banesa e 47-vjeçarit ndodhet rreth 4 km nga banesat e tjera të fshatit dhe terreni është i vështirë.

Forcat Speciale dhe Renea kanë krijuar një perimetër prej 2 km rreth shtëpisë për të mos i lënë mundësi arratisje dhe më pas i kanë bërë thirrje të dorëzohet. Në banesë ka qenë vetëm nëna e tij. 47-vjeçari ishte kthyer prej pak kohësh në zonë.