Lumi Ishëm del nga shtrati, përmbyten 300 hektarë tokë në Krujë

Përmbytje edhe në fshatrat e Krujës. Reshjet e dendura të shiut kanë sjellë fryrjen e lumit Ishëm në Krujë, i cili ka dalë nga shtrati dhe ka përmbytur 2 fshatrat Mallkuç dhe Murqinë.

Sipas raportimeve nga terreni 25 banesa janë të rrethuara nga uji dhe rreth 300 hektarë tokë e përmbytur.

Në të gjithë vendin ka pasur reshje shiu dhe bore, ndërsa rrethi më i prekur është ai i Shkodrës ku mijëra hektarë janë nën ujë.