”Ma bëj hallall o bir, babit ia hëngrën lekët ato ku*vat”, Fatbardha vr*t veten pas tradhtive

Dhuna dhe tradhëtia janë ende plagë e shoqërisë shqiptare, ku gruaja është gjithmonë viktimë dhe kurrë e mbrojtur. Një ngjarje tragjike ka ndodhur në familjen shqiptare në Pirgo të Greqisë. Fatbardha Pali i dha fund jetës duke u vetëvarur. Ngjarja ndodhi mbrëmjen e së premtes.

Policia gjeti viktimën të varur me një litar pak metra larg spitalit të Pirgosit. Ajo u dërgua me urgjencë në spital, por mjekët thanë që nuk mundën ta shpëtonin. Shkak i vetëvrasjes së saj ishin problemet familjare dhe tradhëtia e së shoqi, por edhe dhuna psikologjike e ushtruar ndaj saj. Këtë tregon vetë viktima në një shkrim të publikuar nga vetë ajo në Facebook, ku sqaron me detaje kalvarin e problemeve të saj në familje.

Ajo thotë se i ka kërkuar ndarje bashkëshortin të saj, por ai i ka hequr lekët nga banka. Fatbardha i lë amanet djalit të saj, Xhulios që mos të lejojnë babain e tij të fusë grua tjetër në shtëpi

“Xhulio, lekët i ka Lona me Dritën se i kërkova ndarje Ilirit, hoqi lekët nga Banka, mos i ndante. Ma bëj hallall biri i mamit, me ndyrësirat nuk rrohet. Mos e bëfshin pikën e hajrit o Zot. Kadri Pali turp të kesh, erdhe acaruat Ilirin, e bëtë si vetja jote. Biri i Mamit, amanet nga mami mos e le më grua tjetër në shtëpi, është djersa ime o bir”, thotë ajo.