“Mafia e Romës” biznes me kampet e emigrantëve, 44 të arrestuar

Plot 44 arrestime janë shënuar në zonat e Lacios, Siçilisë e Abruco-s gjatë natës nga policia italiane në kuadër të operacionit “Mafia e kryeqytetit” me akuzën e krimit të organizuar në biznesin e administrimit të fluksit të emigrantëve.

Këto arrestime bashkë me 21 persona të tjerë të vënë nën hetim në gjendje të lirë, përbëjnë raundin e dytë të skandalit të pak javëve më parë i cili vuri në regjistrin e të hetuarve ish-kryetarin e Bashkisë së qytetit të Romës, Xhani Alemano, dhe çoi në arrestimin e ish-këshilltarit rajonal të Forca Italia Luka Gramacio.

Sipas sektorit antimafia të Romës, akuzat bazohen në lidhjet mes mafias italiane e zyrtarëve të lartë përsa i përket shoqërive që administrojnë sistemimin e administrimin e fluksit të emigrantëve në disa territore të vendit.

Korrupsion, mashtrim, faturime falso, trasferim ilegal e ricklime parash, tendera të paligjshme në marrjen në administrim të sistemit të emigrantëve në qendra të financuara nga shteti e Bashkimi Europian, një biznes i vërtetë në kurriz të të dëshpëruarve që zbarkojnë çdo natë nga deti në kërkim të jë jetë më të mirë.

“Është një organizatë mafioze që përdor mënyra mafioze, e aftë të elaboroj ekuilibra e sinergji”, shprehet Prokurori i çështjes.

“Ky operacion bind se mafia ekziston dhe në kryeqytet, pra në Romë e se ka ndryshuar fizionomi, duke mos pasur më nevojë për dhunë e kontroll territori”.

Gjithçka ka nisur nga një përgjim telefonik i disa kohëve më parë kur ish-terroristi i të djathtës ekstreme të NAR, ish-anëtar i bandës së famshme të Malianës, Massimo Karminati, njëkohësisht dhe numri një i këtij biznesi mafioz do të shprehet ; “Është teoria e botës në mes…miku im …si të thuash… të gjallët janë sipër, të vdekurit poshtë e ne më mes… e atëherë do të thotë se ekzisto një botë në mes, një botë ku të gjithë takohen … si është e mundur…ndoshta një ditë mund të darkoj dhe me Berluskonin…”

Një grup i vërtetë mafioz i quajtur “Mafia e kryeqytetit” e aftë për t’u infiltruar e për të bërë biznes me qendrat e sistemit të emigrantëve, të kampeve romëve, madje duke financuar dhe fushata elektorale si ajo ndaj ish-kryetarit të Bashkisë së Romës Xhani Alemano.

Operacioni i Policisë italiane ka vazhduar në orët e para të mëngjesit dhe në zonat si Rieti, Frozinone, Akuila, Katania e Enna.

Për prokurorinë italiane ky raund i dytë i këtij operacioni konfirmon “ekzistencën e një strukture mafioze aktive në kryeqytet, që lidh grupet kriminele me ekspontetë të politikës, administratës e sipërmarrjes lokale”.