Makina del nga rruga në Vlorë, përplas policin në krye të detyrës

Një punonjës policie ka mbetur i plagosur teksa ndodhej në krye të detyrës. Ngjarja në fjalë ka ndodhur sot në Vlorë.

Gazetari Enrik Mehmeti raporton për ‘BalkanWeb’ se një mjet ka dalë nga rruga dhe për pasojë ka përplasur policin, teksa ky i fundit kishte ndalur një mjet që lëvizte pa targa.

Mësohet se polici është transportuar me urgjencë në spital, ndërsa ndodhet jashtë rrezikut për jetën.