Makina përplas për vdekje 68-vjeçarin në Mirditë

Një aksident me pasojë vdekjen e një personi është regjistruar në fshatin Bungaj, Mirditë.

Sipas policisë shtetasi M.G.,60 vjeç, ka goditur me automjetin e tij tip “Benz ” shtetasin M.Gj.,68 vjeç, banues në fshatin Bungaj, Mirditë, i cili si pasojë e përplasjes ka gjetur vdekjen.

“Rreth orës 13:00 ,në fshatin Bungaj, Mirditë shtetasi M.G.,60 vjeç, ka goditur me automjetin e tij tip “Benz ” shtetasin M.Gj.,68 vjeç, banues në fshatin Bungaj, Mirditë, ku për pasojë ka gjetur vdekjen”, njofton policia.

Ndërkohë efektivët e policisë kanë shoqëruar në Komisariatin e Policisë Mirditë, drejtuesin e automjetit për veprime të mëtejshme.

Grupi hetimor në vendngjarje po punon për zbardhjen e sqarimin e plotë të shkakut dhe rrethanave të ngjarjes.