Makinat bëhen ‘shkrumb e hi’, banorët: I kemi bërë thirrje Bashkisë po nuk kemi marrë përgjigje

Kjo është makina e cila u përfshi nga flakët mengjesin e kësaj të diele në parkingun e një pallati në zonën e freskut në Tiranë.

Flakët nuk kanë kursyer as mjetet e tjera. Ka qenë ora 7:30 kur tymi i dalë në katin nën dhe është parë nga banorët

Zjarrëfikësit e kanë pasur të pamundur evakuimin e banorëve nga shkallet e pallatit dhe për këtë është dashur ndërhyrja me shkallë të posaçme.

Shkak i prezencës së lartë të tymit brenda ambjenteve te këtij pallati sipas banorëve është bërë nga bllokimi i baxhos së tarracës e cila është privatizuar duke u kthyer në një hotel.

Për këtë situatë është vënë në dijeni edhe Bashkia e Tiranës por këta të fundit nuk kanë marrë mundimin për ndërhyrje.

“Kam 4 vjet që i them Bashkisë edhe me shkresë zyrtare që nga poshtë pallatit vjen erë e tmerrshme. Më kanë thënë që kam çuar patrullat e policisë po nuk kanë kuptuar gjë. Natyrisht se nga jashtë nuk kuptohet gjë nga jashtë duhej bërë një kontoll i imtësishëm.”

“Sapo shkoj të hap derën shoh se tymi kishte pushtuar komplet hyrjen e pallatit. Nuk ka siguri elementare në pallate.

Edhe pse  zjarri ra në një në mëngjes fatmirësisht nuk ka asnjë të lënduar, por dëme të shumta janë shkaktuar në hyrjet e pallatit.

Policia dyshon së zjarri mund të jetë provokuar nga një shkëndijë elektrike por nuk përjashtohet pista e nje zjarri të qëllimshëm pasi pronari i automjetit sipas policië është një përson me precedent penal. /Ora News