Maliqi: Ramziu s’ndalet nga marrëzia e etja për pushtet. Të nisë mobilizimi për revolucion

Firmosja e marrëveshjes për reformën zgjedhore mes kryeministrit Edi Rama dhe opozitës parlamentare, ka shkaktuar reagimin e ashpër të deputetit të pavarur Lefter Maliqi.

“Ramziu për karrige, timon e tepsi është gati të të djegë moj e shtrenjta Shqipëri.

I bëj thirrje Opozitës së Bashkuar, socialistëve të zhgënjyer, studentëve, artistëve, të mobilizohen për revolucion demokratik në mbrojtje të demokracisë, Kushtetutës dhe të ardhmes Europiane të vendit.

Ramziu s’ndalet nga marrëzia e etja për pushtet, duke votuar ndryshimet Kushtetuese për prishje të koalicioneve. Mban peng vendin pa Gjykatë Kushtetuese për të sunduar me krimin, oligarkët, banditët, pushtetin lokal monist, institucionet e kapura dhe drogën.

Koha për zgjim, ngritje dhe mposhtje të krimit. Uragani popullor s’ndalet.

Ramziu po ja hap vetë gropën vetes. Mbidoza i ka errur sytë, babëzia dhe lakmia e pushtetit i ka marrë trutë. Koha nuk pret liri-demokraci si në 1991.

E duam Shqipërinë si Europa??????.”, shprehet deputeti Lefter Maliqi në rrjetet sociale.