Maliqi: Uragani popullor nuk do të ndalet

Deputeti Lefter Maliqi, përmes një postimi në facebook, thotë se uragani popullor nuk do të ndalet. Teksa bën thirrje për pjesëmarrje në protestën e sotme, ai thekson se kjo valë protestash i paraprinë ”protestës madhështore dhe revolucionit demokratik, deri në shpërndarjen e Parlamentit dhe zgjedhjeve lokale dhe të përgjithshme”.

Postimi i plotë

Sot ora 17:30 të gjithë bashkë në protestë në mbështetje të artistëve pranë Ministrisë së Rendit, të mposhtim frikën, në mbrojtje të demokracisë dhe te ardhmes së vendit. Kjo valë protestash i paraprinë protestës madheshtore dhe revolucionit demokratik deri në shpërndarjen e Parlamentit dhe zgjedhjeve lokale dhe të përgjithshme. Uragani popullor nuk ndalet. Demokracia do fitojë.