Manastirliu: Qeveria ka siguruar vaksina për 800 mijë qytetarë, dozat e para vijnë më 15 shkurt

Pasi prezantoi masat e reja të ndërmarra nga Kominiteti Teknik i Ekspertëve për situatën e rëndë të Covid-19 në vend, ministrja e Shëndetësisë Ogerta Manastirliu, tha se qeveria ka siguruar vaksina për 800 mijë qytetarë. Nga ana tjetër, ministrja nënvizoi se data 15 shkurt, do të jetë dita e ardhjes së vaksinave.

”Vaksina e Pfizer, dhe një seri vaksinash të tjera, janë vaksina me dy doza. Qeveria shqiptare ka siguruar përmes kontraktimit me Pfizer dhe Covax, vaksina për 800 mijë qytetarë shqiptarë, ku përfshihen kategoritë e riskut. Është një plan vaksinimi, që përmban grupet e riskut. Ne kemi filluar me ata që janë në vijën e parë të luftës kundër infeksionit. Kemi vijuar dozën e dytë për personelin që u vaksina në fillim të janarit. Po rrisim dozat e vaksinimit dhe brenda shkurtit do të kemi dozat e reja të vaksinës nga Pfizer. Data 15 shkurt do të jetë dita e ardhjes së vaksinave. Parashikohet një kalendar i ardhjes së vaksinave në ditët dhe në javët në vijm”.